إنت برا المحل، والقرار بإيدك
كل شي بيوصلك على الموبايل بلا ما تتصل وتسأل.
موافقة على الخصم والمرتجع
بتحدد إنت الحد. إذا عدّاه الموظف، بيوقف الكاشير لحد ما توافق، أو بتفوت رمزك عالكمبيوتر إذا كنت بالمحل.
سعر الصرف من موبايلك
الدولار تغيّر؟ بتعدّل السعر من وين ما كنت، وبيوصل للمحل خلال أقل من دقيقة. وإذا زدت صفر بالغلط، التطبيق بينبهك.
ملخص آخر كل يوم
بالوقت اللي بتختارو، بيوصلك كم بعت وكم فاتورة، ومقارنة مع نفس اليوم من الأسبوع الماضي.
عدد الفواتير: 142
تنبيه إذا انقطع المحل
إذا انقطع المحل والدرج مفتوح، بيوصلك إشعار، وبتعرف أيمتى كان آخر اتصال.
وبالمحل، الشغل اليومي كلو بمكان واحد
كاشير سريع، وكل شي بالعربي، وبيضل شغال حتى لو انقطع النت.
- بيع وفواتيرباركود، خصم، تعليق فاتورة، ومرتجعات.
- ليرة ودولاربتقبض بعملتين، والبرنامج بيحسب الباقي.
- ديون وأقساطمين عليه، ومن قديش، وتذكير جاهز عالواتساب.
- مخزون وموردونفواتير شراء، وتنبيه لما تقرب البضاعة تخلص.
- صندوق يوميفتح وإغلاق الدرج، وأي فرق بينكتب وبينبّهك.
- موظفون وصلاحياتكل موظف إلو حساب، وكل عملية باسمو.
كيف بتبلّش
احكي معنا، وخبرنا شو نوع محلك، ومنقلك السعر ومنجهزلك النسخة.
- بتحكي معنا على واتسابمنتفق على المدة والسعر.
- بتنزّل البرنامج على كمبيوتر المحلبتبعتلنا رقم الجهاز، ومنبعتلك الترخيص.
- بتدخّل بضاعتك وبتبلّش تبيعاسم المحل، العملات، الموظفين، والمنتجات.
- بتربط موبايلكبرمز من البرنامج، وبيصير محلك معك.
أسئلة بتتكرر
إذا انقطع النت، بيوقف البيع؟
لأ. البيع والمخزون والصندوق بيضلوا شغالين، والعمليات بتوصل للموبايل لما يرجع النت.
وين بتنحفظ بيانات محلي؟
الأصل على كمبيوتر محلك. ونسخة من ملخص العمليات بتروح لسيرفرنا مشان يقدر الموبايل يشوفها. وفيك تعمل نسخة احتياطية مشفرة على فلاشة بأي وقت.
شو بدي أجهزة؟
كمبيوتر ويندوز 64 بت بالمحل، وموبايل أندرويد 8 أو أحدث. ما في نسخة لآيفون.
بيشتغل مع الطابعة وقارئ الباركود؟
قارئ الباركود بيشتغل متل الكيبورد، والطباعة عن طريق أي طابعة معرّفة على ويندوز. خبرنا نوع جهازك، ومنتأكد معك قبل ما تشتري.
إذا نسيت كلمة السر؟
احكي معنا. بعد ما نتأكد إنك صاحب المحل، منبعتلك رمز بيشتغل مرة وحدة وعلى جهازك بس.
لأي محلات بينفع؟
لمحلات البيع بأنواعها: سوبرماركت، بقالية، ألبسة، أدوات منزلية، موبايلات وغيرها. خبرنا شو نوع محلك وشو بتحتاج، ومنشوف معك كيف بيناسبك.